Reglur Sveitarfélagsins Álftaness um niðurgreiðslu
vegna daggæslu barna í heimahúsum
Markmið með reglum þessum er að draga úr kostnaði foreldra/forsjáraðila vegna gæslu barna hjá dagforeldri.
Niðurgreiðsla er háð eftirfarandi skilyrðum:
- Að foreldrar/forsjáraðilar og barn eigi lögheimili á Álftanesi.
- Að dagforeldri, sem tekur að sér gæslu barns, hafi leyfi viðkomandi byggðarlags skv. reglugerð frá Félagsmálaráðuneytinu nr. 907/2005.
- Að foreldri/forsjáraðili staðfesti vistun barns mánaðarlega á eyðublað sveitarfélagsins.
- Að sótt hafi verið um leikskólapláss á leikskólum sveitarfélagsins og beðið sé eftir plássi þar.
- Að fyrir liggi þjónustusamningur milli dagforeldris og sveitarfélagsins.
Önnur atriði:
- Greitt fyrir börn að loknu fæðingarorlofi beggja foreldra þar til barn fær leikskólapláss á Álftanesi.
- Niðurgreitt er 11 mánuði ársins.
- Dagforeldi fær niðurgreiðslu greidda skv. upplýsingum á þjónustusamningi og á eyðublöðum sveitarfélagsins sem skila þarf inn mánaðarlega. Greitt er fyrirfram fyrir hvern mánuð í upphafi mánaðar. Vistunareyðublöð skulu hafa borist bæjarskrifstofu eigi síðar en 25. dag mánaðar.
- Mánaðarlegar niðurgreiðslur eru miðaðar við daglegan dvalartíma barns hjá dagforeldri. Hámarksniðurgreiðsla með hverju barni er eftirfarandi:
- Fyrir gifta foreldra og sambúðarfólk skal greitt að hámarki fyrir 8 klst. vistun, kr. 30.000,- eða sem svarar kr. 3.750,- hverja mánaðarklukkustund.
- Fyrir einstæða foreldra, ef báðir foreldrar eru í fullu námi, annað eða báðir foreldrar öryrkjar eða systkini hjá dagforeldri skal greitt að hámarki fyrir 8 klst.vistun, kr. 35.000,- eða sem svarar kr. 4.375,- fyrir hverja mánaðarklukkustund.
Hámarksgreiðsla er skv. ofangreindu miðuð við 8 klst. vistun, ef vistunartíminn er skemmri er greitt hlutfallslega.
Sækja þarf um afslátt á þar til gerðum eyðublöðum. Staðfesting skal fylgja með vegna náms, örorku eða hjúskaparstöðu. Óskir um afslátt (annan en vegna örorku) skal endurnýja árlega, í júlí.
Reglur þessar taka gildi 1. ágúst 2009, eldri reglur falla niður frá sama tíma.