Auglýsing um samþykkt deiliskipulags Vestur-Skógtjarnarsvæðis
með breytingum eftir auglýsingu
Bæjarstjórn Álftaness samþykkti þann 2. apríl 2009 tillögu að deiliskipulagi Vestur-Skógtjarnarsvæðis skv. 25. gr. skipulags- og byggingarlaga nr. 73/1997.
Deiliskipulagið tekur til svæðis í landi Skógtjarnar, Lambhaga og Búðarflatar. Svæðið afmarkast til vesturs af friðlýstu svæði á Hliði og til austurs af Sólbarði og Tjarnarlandi, þ.e. byggð við Miðskóga, Lambhaga og Búðarflöt, auk stakra húsa (Tjarnarland, Sólbarð, Hlein, Vestri Skógtjörn, Tjarnarbakki, Strönd, Vindás, Helguvík og Melshús). Gerð er tillaga um samræmt skipulag á ofangreindu svæði með nýrri útfærslu að göngustígum og lagnaleiðum stofnlagna fráveitu.
Eftirfarandi breytingar hafa verið m.a. gerðar frá auglýstri tillögu vegna athugasemda um tillöguna:
1. Göngustígar og stiklur.
Útfærsla göngustígs við norðanverða Skógtjörn, milli Miðskóga og Lambhaga, er breytt og í stað malarstígs er gert ráð fyrir grasi grónu yfirborði á upphlöðnum kanti við efri mörk fjöru.
2 Útivistarsetur
Áður fyrirhuguð aðstaða fyrir kajakræðara og aðra starfsemi sem tengist útivist og notkun fólkvangsins á Hliði er felld út úr deiliskipulagi fyrir Vestur Skógtjarnarsvæðið. Áform eru um að hliðra byggingareitnum vestar og lendir hann þá inn á deiliskipulagi fyrir Hlið. Nánari útfærsla verður gerð við endurskoðun tillögu að breyttu deiliskipulagi fyrir Hlið.
3. Annað
Deiliskipulagsmörk við Hlið færð til fyrra horfs.
Gangstéttum og göngustígum við umferðargötur bætt inn á uppdrátt.
Hætt er við að fella lóð við Hof úr skipulagi.
Snúningsgtorg og bílastæði við enda Höfðabrautar felld út.
Nánar farið yfir grunnmyndir húsa m.t.t loftmynda og aðaluppdrátta viðkomandi húsa.
Bílastæði sett inn á lóðir þar sem vantaði.
Gert er ráð fyrir 5 bílastæðum á lóð v. Búðarflöt 2-4.
Miðskógar 21. Afmörkun lóðar sýnd á uppdrætti (fornleifasvæði).
Tekið er fram í fyrirsögn sérákvæða í greinargerð til hvaða lóða viðkomandi skilmálar ná.
Aðkoma /innkeyrsla að lóðunum Búðarflöt 2, Vestur Skógtjörn, Miðskógum 11,13 og 21, Sólbarð, lóð við Hof og Tjarnarlandi sýnd á skýrari hátt.
Texta um framkæmdir við útivistarstíga umferð gangandi meðfram fjörum breytt.
Bætt inn að texta um að girðingar séu óheimilar utan lóðarmarka íbúðarhúsa.
Tjarnarbakki fellur undir skilmála fyrir Lambhaga.
Lóð milli Sólbarðs og Hleina fellur undir skilmála fyrir Miðskóga.
Kvöð um fjölda bílastæða á eldri lóðum er breytt í almennum skilmálum úr 3 stæðum í tvö.
Sérskilmálum settir inn fyrir parhús við Lambhaga 15a og b.
Nálgast má uppdrætti og greinargerð deiliskipulagstillögunnar ásamt yfirliti yfir breytingar sem gerðar hafa verið á tillögunni eftir auglýsingu á vef Sveitarfélagsins Álftaness, www.alftanes.is/skipulag og hjá skipulags- og byggingarfulltrúa Álftaness, Bjarnastöðum, 225 Álftanes. Tillagan var send Skipulagsstofnun til afgreiðslu.
Skipulagsuppdrættir hafa hlotið þá meðferð sem skipulags- og byggingarlög mæla fyrir um. Breytingin öðlast gildi með birtingu auglýsingar um samþykkt deiliskipulagsins í B-deild Stjórnartíðinda þann 22. apríl 2009. Kærufrestur til úrskurðarnefndar skipulags- og byggingarmála, Skúlagötu 21, 101 Reykjavík er einn mánuður frá þeirri dagsetningu að telja.
Sjá samþykktan deiliskipulagsuppdrátt Vestur-Skógtjarnarsvæðis.
Sjá samþykktan skýringaruppdrátt Vestur-Skógtjarnarsvæðis.
Sjá samþykkta greinargerð Vestur-Skógtjarnarsvæðis.