Umhverfismál

Umhverfisstefna Álftaness

Sveitarfélagið Álftanes stefnir að því að vera í fararbroddi og verða vistvænt sveitarfélag, þar sem náttúruvernd og heilnæm samskipti manns og náttúru verði í fyrirrúmi.

Green Globe 21

Unnið er að vottun skv. Green Globe umhverifsmerkisins

Sveitarfélagið Álftanes hefur náð viðmiðum Green Globe 21 umhverfismerkisins og er því eitt 9 samfélaga í heiminum sem staðist hafa viðmið samtakanna.  Unnið hefur verið að þessu markmiði hjá umhverfisnefnd Álftaness síðustu mánuði og höfuðstöðvar Green Globe í Ástralíu hafa staðfest að Álftanes hefði staðist grunnkröfur samtakanna. Næsta skref er að fá fullnaðarvottun Green Globe, en slík vottun byggir á óháðri úttekt þriðja aðila, sem staðfestir að bæjarfélagið hafi náð að uppfylla ýtrustu kröfur Green Globe um góða frammistöðu í umhverfis- og samfélagsmálum.  Viðurkenningin gildir til eins árs í senn, en á hverju ári þarf að staðfesta árangurinn.  

Sveitarfélagið Álftanes hefur lagt mikla vinnu í að mæla orku- og vatnsnotkun, sorpmyndun, notkun umhverfisvænna hreinsiefna o.m.fl. og í að koma í framkvæmd samþættri umhverfis- og samfélagsstefnu.  Viðurkenningin frá Green Globe er mikilvægur áfangi fyrir bæjarfélagið og góð hvatning fyrir stjórn sveitarfélagins, starfsmenn og íbúa.

Green Globe eru alþjóðleg samtök sem vinna með neytendum, fyrirtækjum og samfélögum að sjálfbærri þróun í anda Staðardagskrár 21. Sveitarfélagið Álftanes er eitt af 12 samfélögum í heiminum sem byrjuð eru að vinna eftir staðli Green Globe fyrir samfélög. 

Stefna Sveitarfélagsins Álftaness um sjálfbæra þróun

Sveitarfélagið Álftanes er í fararbroddi í svæðisbundnu starfi að sjálfbærri þróun á Íslandi.  Í samræmi við þetta hefur bæjarstjórnin sett sér stefnu um sjálfbæra þróun með sérstakri áherlsu á umhvefisvæna ferðaþjónustu á svæðinu.  Stefnan hefur verið formlega samþykkt af bæjarstjórninni og kynnt fyrir íbúum.  Stefnan verður endurskoðuð árlega. 

Staðardagskrá 21

Áæltun um sjálbæra framtíð.

Bæjarstjórn samþykkti á umhverfisdegi 25. apríl 2006, endurskoðaða Staðardagskrá 21. Staðardagskráin er kynnt íbúum á heimasíðu Sveitarfélagsins Álftaness og vegna þess að stöðug endurskoðun er eðlileg, eru íbúar hvattir til þess að koma á framfæri ábendingum til umhverfisnefndar.

Vistvernd í verki

Global Action Plan for the Earth.

Vistvernd í verki er hreyfing til að efla umhverfisvæna hugsun og viðhorf.  Verkefnið fjallar um vistvænt heimilishald. Þátttaka í Vistvernd í verki er auðvelda einstaklingum og fjölskyldum  öllum til að öðlast þekkingu og þjálfun í vistvænum heimilisrekstri. Vistvernd í verki hófst á Álftanesi árið 2003. Til þessa dags hafa 14 heimili í sveitarfélaginu tekið þátt í verkefninu.  

2010 Countdown - Álftanes og líffræðilegur fjölbreytileiki

Sveitarfélagið Álftanes tekur þátt í norrænu verkefni um líffræðilega fjölbreytni sem hefur það að markmiði að skoða þátt sveitarfélaga í því að ná 2010 markmiðinu um að stöðva tap á líffræðilegum fjölbreytileika.  Árið 2006 tók Umhverfisstofnun ákvörðun um að bjóða tveimur íslenskum bæjarfélögum að taka þátt í verkefninu og hafa Sveitarfélagið Álftanes og Akureyrarbær verið valin til þess.

2010 Álftanes - kynning

2010 Álftanes - fyrirlestur 25.10.2006

2010 Álftanes - verkefnið

Endurheimt votlendis við Kasthúsatjörn

Greinargerð þessi er gerð að beiðni umhverfisnefndar Sveitarfélagsins Álftaness og fjallar um endurheimt votlendis milli Kasthúsatjarnar og norðurhluta Bessastaðatjarnar. Fjallað er um breytingar sem orðið hafa
á náttúrufari svæðisins og gerðar tillögur um hvernig standa megi að endurheimt votlendis á svæðinu þar sem markmiðið er að viðhalda og auka fjölbreytni dýralífs og gróðurfars á svæðinu og færa það sem næst
upprunalegu horfi. Jafnframt að gera svæðið eftirsóknarvert til útivistar og fræðslu með því að tryggja aðgengi almennings að svæðinu án þess að af því leiði of mikil truflun fyrir varp fugla.

Greinargerð dags. 25. sept 2007

Umhverfisskilti á Álftanesi

Grásteinn

Gjöf Kvenfélags Álftaness í tilefni af 80 ára afmæli Kvenfélagsins,

á sumardaginn fyrsta, 20 apríl 2006.

Hliðsfjara

Umhverfi Kasthúsatjarnar